En nia dua epizodo, ni intervjuas je Soraya Alvarez, partoprenanto de la Komisiono pri Handikapaj Rajtoj de BEJO. Ŝi rakontis al ni iomete pri sia historio en la handikapa movado kaj kiel laboras BEJO kaj TEJO rilate al handikapaj rajtoj.
Aŭskultu la plenan epizodon sube!
Se vi volas, ankaŭ akompanu la transskribon sube:
Transskribis: Igor Almeida
[ENIRO – voĉoj superponataj kun la kanto Preciso Me Encontrar, de Cartola]
[Eduardo]: Saluton, karaj esperantistoj, samideanoj el diversaj landoj de nia planedo.
[Igor]: Estu bonvenaj al BabiBEJO, la podkasto de BEJO!
[Eduardo]: Aŭskultu atenteme kion niaj gastoj diros ĉu pri la movado ĉu pri siaj vivoj ĉu pri io ajn.
[Igor]: Ĉar por tio estas lingvo, ĉu ne?
[Eduardo]: En ĉi tiu mojosa etoso, ni parolos kun niaj gastoj kaj esploros pli pri la kulturo ene de Esperantujo!
[Igor]: Vi estas elkore invitita por aŭskulti ĉi tiun epizodon. Prenu kafon kaj ĝuu.
[EPIZODO]
[Eŭlea]: Estimataj aŭkultantoj, jen nia podkasto BabiBEJO, la podkasto de BEJO. Mi estas Eŭlea kaj hodiaŭ mia intervjuito estas Soraya Alvarez kaj ŝi estas komisiito pri alireblo ĉe TEJO, kaj estas ano de la Komisiono pri Handikapecaj Rajtoj ĉe BEJO kaj ŝi estas el Argentino kaj ni havas alian intervjuanton krom mi, nome, Eduardo.
[Eduardo]: Saluton, saluton al ĉiuj. Estas plezuro esti ĉe vi.
[Eŭlea]: Ni, por la hodiaŭa epizodo, intervjuos Soraya Alvarez; Soraya Alvarez estas komisiito pri alireblo ĉe TEJO kaj ano de la Komisiono pri Handikapecaj Rajtoj ĉe BEJO. Ŝi estas el Argentino. Do, unue bonvenon kaj la unua demando estas: Kiel estiĝis la Komosionoj “Alireblo”, ĉe TEJO, kaj “Handikapecaj Rajtoj”, ĉe BEJO?
[Soraya]: Bone, dankon kaj saluton al ĉiuj. Bone, ambaŭ komisionoj, fakte, ne estis planita [sic]. Fakte, tio komencis kiam mi eksciis, ke handikapaj homoj estas minoritato. Nun, ĉar mi estas handikapa homo kaj mi jam naskiĝis tiel, ĉu ne? Sed mi ne konsciis pri tio, ke ni estas grupo kaj ke ni estas minoritato; kaj, fakte, tio okazis danke al Esperanto, ĉar mi estis en prelego, fakte, en Brazilo, kaj ĝi estis pri minoritatoj, ĉu ne? Kaj kiam iu demandis kial ne estas tie handikapa homo, mi komprenis “Ho, ni estas minoritato.” Kaj tial mi interesiĝis pri tio kaj mi komprenis multaj aferoj [sic] kiu okazis al mi kiel handikapa homo kaj tial mi ankaŭ skribis pri tio, sed en la hispana, en Instagram, kaj Querino, fakte, kontaktis min kiam li legis tion – Querino, la prezidanto de BEJO –, kaj li diris, ke li ŝatus, ke estu plia [sic]… li diris, ke li ŝatus havi tiun komisionon ankaŭ en BEJO kaj mi ekskribis tie ankaŭ pri kapablismo. Kaj ankaŭ en TEJO, fakte, oni demandis min [sic]…ĉar li diris, ke mi skribis pri kapablismo kaj mi interesiĝis pri la temo, do, oni demandis al mi ĉu mi ŝatus esti komisiito pri Alireblo ankaŭ… ĉe TEJO. Jes, tiel… kiel ĉio komenciĝis.
[Eduardo]: Bonege. Mi havas demandon. Mi estas Eduardo. Saluton, Soraya. Mia demando estas: Ĉu vi povus rakonti ion pli pri via posteno kiel komisiito de Alireblo ĉe TEJO?
[Soraya]: Jes. Bone, do, mi kaj aliaj aktivuloj de… fakte, estas subbranĉo en TEJO kiu nomiĝas “Alireblo”, kaj ni okupiĝas pri alireblo de la Esperanto-movado al handikapuloj kaj ankaŭ ni volas ankaŭ paroli pri diverseco kaj rilataj temoj, ĉu ne, temoj kiuj… okazas al ni handikapaj homoj, jes, kaj ankaŭ mi volas videbligi, ke ni ankaŭ estas en la Esperanto-movado. Ĉi tio estas ĉio, mi pensas.
[Eŭlea]: Kiel oni povas partopreni en la Alireblo ĉe TEJO kaj en la Handikapecaj Rajtoj ĉe BEJO? Do, la komisionoj.
[Soraya]: Do, jes, oni povas partopreni kontribuante al projektoj, ĉu ne, ĉar ni– TEJO, ĉu ne?– Alireblo havas kelkajn projektojn kaj ankaŭ bonvenigas novajn projektojn kaj en BEJO ankaŭ estas tiel – ni jam ankaŭ havas kelkajn projektojn kaj ankaŭ oni bonvenigas homoj por doni ideojn aŭ proponi, jes, novajn aferojn por la komisionoj.
[Eduardo]: Do, bone. Do mia sekva demando estos: kiu rajtas partopreni en la komisionoj?
[Soraya]: Bone, do, ĉiuj rajtas partopreni en la komisionoj. Se vi estas handikapa homo tio estas ankaŭ tre valora ĉar tio plifortigos nian komunumon ĉi tie, oni povus, jes, montri, ke la Esperanto-movado estas vere diversa kaj estos tre valora, sed ankaŭ senhandikapaj homoj povas partopreni kaj ankaŭ helpi pri multaj aferoj rilate al alireblo, do, jes, ĉiuj rajtas partopreni.
[Eŭlea]: Kion oni jam faris en tiuj komisionoj?
[Soraya]: Bone, la subbranĉo pri Alireblo… oni havas kelkajn projektojn, kiel gvidlinioj pri alireblo pri retaj aranĝoj kaj mi scias, ke ankaŭ en BEJO ni pretigas saman aferon. Ankaŭ ni planas voĉlegado [sic] de la revuo Kontakto, ankaŭ parolata Vikipedio [sic], kaj ankaŭ mi kunlaboris kun la komisiono pri genregaleco, pri la temo egaleco dum pandemio; kaj, fakte, pri tiuj projektoj, ni bezonas pli da aktivuloj kaj estas tre bona homo kiu, ekzemple, ŝatus legi kaj helpi nin en tiu projekto. Kaj ankaŭ la komisiono de BEJO faris tre bonan laboron por la venonta virtuala brazila kongreso, kiu temas pri enketilo por scii, kiuj homoj bezonas specifajn aferojn, ĉu ne, pri alireblo, kaj ĝi estis tre tre bona laboro. Mi pensas, ke oni neniam faris tiun laboron antaŭ hoy [hodiaŭ] kaj estas tre bona ĉar eble oni pensas “Nu, sed, kiom da homoj bezonas tion, eble neniu” kaj estas tre interesa ĉar jes estas homoj kiuj bezonas pli da alireblo kaj tio estas bonega ĉar ni povas fari la movadon pli inkluziva. Jes.
[Eduardo]: Tre bone. Do, jes, mi demandas nun: kiel kontakti la komisionojn?
[Soraya]: Bone, pri la subbranĉo de Alireblo en TEJO estas retpoŝto… estas retpoŝta adreso, kiu estas alireblo… la poŝtadreso estas alireblo@tejo.org. Sed vi ankaŭ povas serĉi en Google “TEJO alireblo” kaj tie aperas ankaŭ, jes, la retpaĝo de TEJO. Kaj ni ankaŭ havas grupon en Telegramo. Pardonu, Euleax, ĉu vi scias kiel kontakti BEJO? Mi ne scias.
[Eŭlea]: Do, ekzistas vacapa grupo de la Komisiono pri Handikapecaj Rajtoj.
[Soraya]: Jes, sed kiel oni povas…
[Eŭlea]: Mi pensas, ke se oni petas en la… se oni iras al la vacapa grupo de BEJO aŭ en la instagrama konto aŭ fejsbuka konto de BEJO, oni… aŭ eĉ per retpoŝtmesaĝo al BEJO, do pluraj manieroj kontakti BEJO-n kaj oni povas peti la ligilon de tiu vacapa grupo de nia komisiono.
[Soraya]: Bone, do ni povas diri tion. Dankon. Kaj la komisiono de BEJO havas grupon en WhatsApp, do vi povas eniri en la grupo de BEJO, kiu estas granda grupo, kaj tie ankaŭ vi povas peti la ligilon por la grupo de alireblo, aŭ kontakti en Instagram ankaŭ estas BEJO, kaj en Facebook eble vi ankaŭ povas mesaĝi tie kaj peti la ligilon por eniri al [sic] la grupo de tiu komisiono.
[Eŭlea]: Jen la sekva demando: ĉu vi agadas ankaŭ en la eksteresperantuja movado por la rajtoj de handikapecaj homoj?
[Soraya]: Bone, do, mi ne vere agadas en eksteresperantuja movado, ne-specifa asocio aŭ grupo, ekzemple, sed mi jam partoprenis en retaj prelegoj kiu [sic] temis pri kapablismo en eksteresperantujaj grupoj, jes. Precipe, nuntempe, en interreto, ĉar kiam mi komenciĝis esti aktivulo jam estis pandemio, do, jes, ofte tiuj aferoj okazis rete.
[Eduardo]: Do, bone, mia lasta demando estas: kiel estas tiu movado en Argentino?
[Soraya]: Bone, nuntempe mi pensas, ke la movado estas multe pli forta ol antaŭe, precipe danke al interreto; mi pensas, ke, verŝajne, antaŭe handikapaj homoj ne konis aliajn homojn tiajn, ĉu ne? Estis pli malfacile, sed nuntempe, danke al interreto estas multe pli facile koni aliajn handikapajn homojn, kaj, jes, mi pensas, ke ankoraŭ restas multe por fari por ke la movado estos [sic] multe pli granda kaj forta, sed mi pensas, ke tio okazos kaj precipe danke al interreto, jes. [Paŭzo] Y mi pensas, ke estas tre interesa dokumentfilmo je Jutubo (Youtube) kaj ankaŭ je Netflix, kiu nomiĝas Crip Camp kaj ĝi estas vere interesa ĉar parolas pri kelkaj handikapaj homoj kiuj renkontiĝas kaj poste vere serĉas kaj klopodas havi pli da rajtoj, ĉu ne? Kaj estas vere, kiel la komenco de la movado de handikapaj rajtoj en Usono [sic], jes, mi pensas, ke ĝi estas tre bona dokumentfilmo.
[Eŭlea]: Mi ŝatus rekomendi iun videon en Jutubo nomatan In My Language, ĝi parolas specife pri neŭrodiverĝeco. [Paŭzo] Ni ŝatus, nome de la podkasto, danki al Soraya pro la tre oportuna intevjuo. Ankaŭ mi persone ege ŝatis ĉi tiun epizodon, ĉar mi estas ano de ambaŭ komisionoj. Alireblo estas parto de pli larĝa komisiono en BEJO [sic], nomata Egaleco, kaj mi estis ĝia komisiito antaŭ iom da tempo. Do mi ege ĝojas kaj ankaŭ ĉar vi partoprenas en epizodon [sic] de ĉi tiu mirinda epizodo… pardonu, mirinda podkasto de BEJO kaj mi volas diri ankaŭ tion, ke eblas spekti, aŭ aŭskulti, nian podkaston ĉe pluraj apoj: Spotify, Google Podcasts… kaj jam estas antaŭaj epizodoj, do mi rekomendas ke oni aŭskultu ilin. Kaj mi… nun mi ŝatus demando ĉu Eduardo aŭ Soraya ŝatus lasi lastajn vortojn?
[Soraya]: Jes, mi volas danki al vi ĉiuj. Mi ankaŭ tre ŝatis partopreni kaj mi ankaŭ forgesis diri, ke en BEJO ni havas blogon en Medium kiu nomiĝas “Ni Parolu pri Kapablismo” kaj ĝi ankaŭ estas interesa blogo por scii pli pri handikapaj rajtoj aŭ kion ni pensas. Do, dankon al ĉiuj kaj dankon por [sic] inviti min.
[Eduardo]: Jes, kaj mi ŝategus diri, ke mi ege ŝatis partopreni en ĉi tiu epizodo, kaj tiu vere plaĉegis al mi. Dankegon. Dankegon pro la aŭskultado de tiu ĉi epizodo kaj ĝis la reaŭdo.
[ELIRO – Voĉoj supermetataj kantante BabiBEJO en harmonio]