:: Brazila Esperantista Junulara Organizo ::

II Esperanto Junularo Nordoriento (2010)

Kiel dua eldono de la I Esperanto-Junularo Nordoriento, kiu okazis en Natalo en 2009, Brazila Esperantista Junulara Organizo kaj Cearaa Esperanto-Asocio havas la honoron anonci la okazigon de la II Esperanto-Junularo Nordoriento!

Temas pri jara renkontiĝo de junaj esperantistoj el Nordorienta Brazilo, kies celo estas amikiĝo kaj interŝanĝo de spertoj, en etoso distra, malpeza kaj gaja.

Ĉijare, laŭ decido en 2009, en Natalo, la evento okazos en Cearao, en Caucaia, plaĝa urbo najbare de la ĉefurbo Fortalezo. La renkontiĝo okazos dumla unua semajnfino de Aprilo 2010.

Dato:	2-4 de Aprilo, 2010
Vendredo, la 2-a de Aprilo, estos dediĉita al la alveno de la esperantistoj, matene kaj posttagmeze. Veninte al Fortalezo, kontaktu organizantojn de la evento (vidu telefonnumerojn pli sube en Kontaktoj).
Loko:	Bieno "Japuaras", Caucaia Ŝoseo "Sol Poente" (CE085), Km Kvartalo "Japuaras" - Caucaia – CE
La evento estos en granda domo sur kamparo, kun multe da spaco ĉirkaŭe, arboj, naĝbaseno kaj sabla piedpilka kampeto.

Vidi grandan mapon

La partoprenantoj havos vespermanĝon en la 2-a (vendredo), matenmanĝon, tagmanĝon kaj vespermanĝon en la 3-a (sabato) kaj matenmanĝo en la 4-a (dimanĉo). La evento estos senpaga por la esperantistoj.

Atentu: Kunportu littukojn, bantukojn kaj laŭeble hamakon kaj tendon.

Aliĝoj

Por aliĝi, sufiĉas plenumi la aliĝilon, kiu estas ĉe la fino de tiu teksto, kaj sendi ĝin per retmesaĝo al eojovensne @ yahoo. com.br. La aliĝo estas tute senpaga.

Aliĝilo

Nomo kompleta: Naskiĝtago: Urbo/Subŝtato: Retadreso: Ĉu vi estas vegetarano? ( )jes ( ) ne

Ĉu vi volas prezenti prelegon dum la evento? ( )jes ( )ne Se jes, informu titolon de la prelego, resumon kaj necesan aparataron, kiun vi bezonos.

Ĉu vi volas kontribui por la bonveniga festo vendrede la 2-an de Aprilo (per kanto, konatigaj ludoj, ktp)?

Envie a ficha acima preenchida para eojovensne @ yahoo. com.br

Kontaktoj

Fortaleza-CE: